Agnar Már bæjarlistamaður Garðabæjar 2010

Agnar Már Magnússon píanóleikari hefur verið útnefndur bæjarlistamaður Garðabæjar árið 2010. Nýjasti geisladiskur hans Kvika kom út hjá Dimmu sl. haust, en áður hefur hann sent frá sér m.a. Láð (Dimma 2007) og Ég um þig (ásamt Kristjönu Stefáns, Dimma 2005). Agnar Már tónskreytti ennfremur hljóðútgáfuna Ljóð eftir Sjón sem kom út hjá Dimmu 2008. Ekki alls fyrir löngu frumflutti Stórsveit Reykjavíkur ennfremur ný verk eftir Agnar Má við góðan orðstír.