Andrés Þór - Blik

Gítarleikarinn Andrés Þór hefur sent frá sér hljómdiskinn Blik, en á honum er að finna jazzstandarda auk tveggja frumsaminna laga. Andrés hefur útfært lögin á skemmtilegan og ferskan máta ásamt félögum sínum í tríóinu, þeim Valdimar K. Sigurjónssyni kontrabassaleikara og Einari Scheving trommuleikara. Áður hefur komið út með Andrési Þór geisladiskurinn Nýr dagur, 2006, sem innihélt einvörðungu eigin tónsmíðar. Þar fyrir utan má nefna geisladiskinn BonSom með samnefndri hljómsveit og nýjan geisladisk dansk/norska bassaleikarans Andreas Dreier, en á þeim báðum eru verk eftir Andrés, auk þess sem hann leikur á gítar.

Upptökur og hljóðblöndun á Bliki annaðist Stefán Örn Gunnlaugsson,  en Styrmir Hauksson hljómjafnaði. Högni Sigurþórsson hannaði umslag, en ljósmyndun var í höndum Ólafs Más Svavarssonar.