Sigurður Flosason - Himnastiginn

Himnastiginn er afar áheyrileg djassplata með framúrskarandi hljóðfæraleik tríósins sem er skipað þeim Sigurði Flosasyni á saxófón, Eyþóri Gunnarssyni á píanó og danska konrabassaleikaranum Lennart Ginman. Efni plötunnar er blanda af þekktum og minna þekktum djassstandördum og hlaut platan afbragðs viðtökur og hefur sennilega selst einna best af íslenskum djassplötum. Eftir útgáfu hennar var Sigurður Flosason tilnefndur til Tónlistarverðlauna Norðurlandaráðs.