Hraun - I can´t believe it´s not happiness

Meginheimspeki Hrauns felst í því að vera dálítið eins og hraun, þ.e. gróft, drynjandi, einfalt, heitt og á hreyfingu. Þannig einskorðar hljómsveitin sig ekki við eina tegund tónlistar heldur reynir að halda sig við upprunalegan tilgang tónlistar, að hreyfa við fólki á einn eða annan hátt.
Hraun skipa þeir Svavar Knútur, söngur, kassagítar og píanó, Guðmundur Stefán, söngur, rafgítar og kassagítar, Hjalti Stefán, söngur og flauta, Jón Geir, söngur, trommur og ásláttur og Loftur Sigurður, bassi og söngur.
Öll lögin á nýja diskinum eru úr smiðju hljómsveitarinnar, en söngtextarnir sem ýmist eru á ensku eða íslensku eru flestir eftir söngvarann Svavar Knút.