Agnar Már Magnússon - Láð

Áður hefur Agnar Már sent frá sér plöturnar 01 og 1900, auk tveggja platna með tríóinu B-3, píanódúettaplötunnar Tónn í tómið ásamt Ástvaldi Traustasyni og plötunnar Ég um þig, sem hann gerði í félagi við Kristjönu Stefánsdóttur jazzsöngkonu.
Meðleikarar Agnars Más á Láði eru þeir Valdimar Kolbeinn Sigurjónsson á kontrabassa og Matthías Hemstock á trommur, auk blásarasveitar sem skipuð er Sigurði Flosasyni á alt flautu, Stefáni Jóni Bernharðssyni á franskt horn, Rúnari Óskarssyni á bassaklarinett og Rúnari Vilbergssyni á fagott.
Hljóðritun fór fram í Hljóðveri FÍH. Óskar Páll Sveinsson hljóðritaði. Um ljósmyndun og hönnun umslags sá Högni Sigurþórsson.