Svavar Knútur - Amma

Söngvaskáldið Svavar Knútur hefur sent frá sér nýjan geisladisk sem hljóðritaður var á stofutónleikum í október 2010. Á tónleikunum flutti Svavar ýmis lög sem hann hefur tekið ástfóstri við í gegnum tíðina, en plötuna tileinkar hann ömmum sínum þar sem lögin eru flest komin til ára sinna og hafa verið sungin af eldri kynslóðum. Öll lögin nema eitt eru í útsetningum söngvaskáldsins sem leikur ýmist undir á gítar eða ukulele, en í einu lagi kemur píanóleikarinn Árni Heiðar Karlsson við sögu og í öðru lagi ljá Karítur Íslands raddir sínar til að auka á blæbrigðin. Að öðru leyti er hér um hreinræktaða trúbadúrplötu að ræða og lifandi upptöku.  Meðal söngva á diskinum eru Kvöldið er fagurt, Draumalandið, Sofðu unga ástin mín, Næturljóð úr Fjörðum og nýtt lag Svavars við Álfareiðina.

Amma er önnur sólaplata Svavar Knúts. Hin fyrri, Kvöldvaka, kom út vorið 2009 og kemur út í Þýskalandi um þessar mundir. Einnig hefur hann sent frá sér diskana I can´t believe it´s happiness og Silent Treatment með hljómsveitinni Hraun

Amma var hljóðrituð í höfuðstöðvum Dimmu, en um upptökur og eftirvinnslu sá Jón Skuggi. Myndir á umslagi teiknaði Dagbjört Lilja Svavarsdóttir, en Högni Sigurþórsson hannaði útlit.

Engin vísun/No TrackBacks

Vísun/TrackBack URL: http://www.dimma.is/mt/mt-tb.cgi/165

Efni