Vegurinn blái

Ljóðabókin Vegurinn blái er eftir Orkneyjaskáldið George Mackay Brown í þýðingu Aðalsteins Ásbergs Sigurðssonar sem einnig ritar eftirmála. George Mackay Brown (1921-1996) er þekktasta skáld Orkneyja. Um skáldskap hans skrifaði nóbelsskáldið írska, Seamus Heaney: "Hann umskapar allt með því að þræða það í gegnum nálarauga Orkneyja." Einkennandi fyrir nær allt höfundarverk hans er mannlífið á Orkneyjum, hafið, sjósóknin, kotbúskapurinn, frumbyggjarnir og ekki síst víkingatíminn. Með vísunum í fornsögur veitir Mackay Brown lesendum innsýn í aldagamlar hefðir og tengir samtímann við söguna á listilegan hátt. Vegurinn blái geymir úrval úr öllum helstu ljóðabókum skáldsins.