Aðalsteinn Ásberg Sigurðsson - Dvergasteinn

Dvergasteinn er verðlaunasaga sem notið hefur mikilla vinsælda og kemur nú út í 3ja sinn á hljóðbók. Sagan segir frá Uglu sem kemst að ýmsum leyndardómum þegar hún heimsækir ömmu Karólínu í húsið Dvergastein því í garðinum á bak við húsið er stór steinn sem ekki er allur þar sem hann er séður. Aðalsteinn Ásberg hefur sent frá sér fjölda bóka og hlotið verðlaun og viðurkennignar fyrir. Dvergasteinn kom fyrst út árið 1991, en síðan verið endurútgefinn og kom út í danskri þýðingu fyrir nokkrum árum. Aðrar hljóðbækur eftir hann eru: Blóð og hunang, Brúin yfir Dimmu, Furðulegt ferðalag og Ævintýri úr Nykurtjörn. Dvergasteinn er 148 mín. að lengd, á tveimur geisladiskum. Höfundur les. Sagan var hljóðrituð árið 1991 hjá Hljóðbókagerð Blindrafélagsins og kom þá fyrst út á hljóðbók. Vilborg Anna Björnsdóttir hannaði útlit nýju útgáfunnar.