Andri Snær Magnason - Sagan af bláa hnettinum

Þetta einstaka ævintýri hefur notið gríðarlegra vinsælda og er komið út á 16 tungumálum. Fyrir bókina hlaut höfundurinn Íslensku bókmenntaverðlaunin árið1999, heiðursverðlaun Janusz Korczak 2000 og Vestnorrænu barnabókaverðlaunin 2001. Leikgerð sögunnar var sýnd í Þjóðleikhúsinu og sett á svið í Kanada, Finnlandi og Pakistan. Hljóðbókin er 140 mín. að lengd á 2 geisladiskum. Höfundur les. Á bláum hnetti lengst úti í geimnum búa ótal villibörn sem fullorðnast ekki. Enginn skipar þeim fyrir verkum og þau gera bara það sem þeim dettur í hug. Lífið á bláa hnettinum tekur því miklum breytingum þegar geimskip lendir þar og út stígur hinn dularfulli Gleði-Glaumur sem býður börnunum upp á endalaust stuð og fjör. Þar með hefst hættulegt ævintýri sem leiðir börnin um dimma skóga, djúpa dali og loftin blá. Andri Snær Magnason hefur sent frá sér margvísleg verk fyrir börn og fullorðna, þ.á.m. Bónusljóð, Engar smá sögur, skáldsöguna LoveStar og Draumalandið - Sjálfshjálparbók handa hræddri þjóð.