Kristín Steinsdóttir - Vestur í bláinn

Vestur í bláinn er heillandi saga um Þóru sem er 13 ára og kynnist á undarlegan hátt jafnöldru sinni frá liðinni öld. Skyndilega er Þóra komin aftur í tímann og slæst í för með Íslendingum á leið til Kanada upp úr 1875. Hún kynnist aðbúnaði fólks á erfiðu ferðalagi yfir hafið og upplifir harða lífsbaráttu landnemanna sem að lokum komast alla leið til Nýja-Íslands. Heima fyrir veit hins vegar enginn hvað hefur orðið af Þóru og leit að henni stendur yfir.
Kristín Steinsdóttir hefur hlotið margs konar verðlaun og viðurkenningar fyrir bækur sínar sem notið hafa mikilla vinsælda, en áður hafa komið út eftir hana á hljóðbók: Engill í Vesturbænum, Franskbrauð með sultu og Draugar vilja ekki dósagos.